संस्थेत पोहोचल्यावर 'मनुस्क्रिप्ट कीपर' निखिल गडगीळ सरांनी आमचं स्वागत केलं. त्यांच्या बोलण्यातून या संस्थेचा १०० वर्षांहून अधिक काळचा देदीप्यमान इतिहास उलगडला. ६ जुलै १९१७ रोजी रामकृष्ण गोपाळ भांडारकर यांच्या स्मरणार्थ स्थापन झालेली ही संस्था आज दक्षिण आशियातील हस्तलिखितांचा सर्वात मोठा खजिना सांभाळत आहे.

तिथे दाखवण्यात आलेल्या माहितीपटांमधून हस्तलिखितांच्या निर्मितीची प्रक्रिया समजली. प्राचीन काळी ताडपत्रांवर (Palm Leaves) किंवा हाताने बनवलेल्या कागदावर विशेष शाईने लिहिण्यासाठी किती संयम आणि कौशल्याची गरज असायची, हे पाहून मी थक्क झालो.